Fransa, İtaliya və İspaniyanın yüzdən çox sakininə yerli şəraitə uyğunlaşan Asiya pələng ağcaqanadları tərəfindən yayılan Denqe qızdırması diaqnozu qoyulub.

Aztibb.az “RİA Novosti”ə istinadən xəbər verir ki, mütəxəssislərin sözlərinə görə, dişləmədən sonra inkubasiya dövrü üç gündən iki həftəyə qədər dəyişir və çox vaxt xəstəlik asemptomatikdir.

Qeyd edilib ki, bəzi hallarda titrəmə, ürəkbulanma, baş ağrısı və səpgilər baş verə bilər və denge qızdırması üçün xüsusi müalicə yoxdur.

Beynəlxalq alimlər qrupu tərəfindən aparılan və “Nature Microbiology” nəşrində dərc olunan modelləşdirmənin nəticələrinə görə, 2050-ci ilə qədər dünya əhalisinin demək olar ki, yarısı sarı qızdırma və Asiya pələng ağcaqanadları ilə birgə yaşayışa uyğunlaşmaq məcburiyyətində qalacaq.