Dünyasını dəyişən pasiyent sağalmaz ürək xəstəliyi olan 58 yaşlı Lourens Faucett olub.

Aztibb.az xəbər verir ki, bu barədə ABŞ-ın Merilend Universitetinin Tibb Mərkəzinin saytında bildirilib.

Hesabatda qeyd edilib ki, o, geni dəyişdirilmiş donuzdan dünyada ikinci ürək transplantasiyası edilən pasiyentdir.

Əməliyyatdan sonra xəstə sağalmağa başlayıb və intensiv şəkildə fizioterapiya ilə məşğul olub, yerimə qabiliyyətini bərpa etməyə çalışıb, ailə üzvləri ilə ünsiyyət qurub.

Son günlər onun vəziyyəti qəflətən pisləşib və həkimlərin səylərinə baxmayaraq dünyasını dəyişib.

Pasiyent transplantasiyadan sonra təxminən altı həftə yaşayıb.