Çinin Uhan şəhərindən yayılmağa başlayan yeni növ koronavirus infeksiyasına (COVID-19) yoluxanların sayı 42 milyonu keçib.
Aztibb.az pandemiyanın statistikasını aparan "Worldometer" saytına istinadla xəbər verir ki, 23 oktyabrda dünya üzrə 42 milyon 3 min 60 yoluxma və 1 milyon 142 min 8 ölüm faktı qeydə alınıb. İndiyədək COVID-19-a yoluxmuş 31 milyon 190 min 947 nəfər sağalıb, həmçinin müalicəsi davam edən 9 milyon 669 min 240 aktiv xəstə var.
ABŞ koronavirusa yoluxma hallarının sayına görə dünyada birinci yerdədir. Sonrakı yerlərdə Hindistan (7 milyon 761 min 312), Braziliya (5 milyon 332 min 634), Rusiya (1 milyon 463 min 306), İspaniya (1 milyon 90 min 521), Argentina (1 milyon 53 min 626), Fransa (999 min 43), Kolumbiya (990 min 270), Peru (879 min 876), Meksika (874 min 171) və İngiltərə (810 min 467) gəlir.
