Omskda Omsk Dövlət Tibb Universitetində (OMSMU) hazırlanmış diş minasının bərpası və uşaqlarda kariyesə qarşı müqavimətin inkişafı üçün gelin istehsalına başlanılıb.

Aztibb.az TASS informasiya agentliyinə istinadən xəbər verir ki, bu barədə Omsk Elm və Təhsil Mərkəzinin rəhbəri Yevgeni Belopuxov açıqlama verib.

İstehsalçıların fikrincə, gel idxal olunan analoqlardan altı dəfə daha effektivdir.

Layihə rəhbəri, Omsk Dövlət Tibb Universitetinin uşaq stomatologiyası kafedrasının müdiri Qalina Skripkinanın bildirdiyinə görə, kariyesin qarşısının alınması üçün gelin klinik tədqiqatları sübut edib ki, formul sayəsində kariyeslərin azalması daha yüksəkdir.

O qeyd edib ki, idxal olunan analoqların effektivliyi altı dəfə aşağıdır. Omsk gelinin kariyesin qarşısının alınmasında effektivliyi isə təxminən 85% təşkil edib.