Somnoloq Daria Lebedeva şiddətli gündüz yuxululuğunun ürək xəstəlikləri, qalxanabənzər vəzi xəstəlikləri, şəkərli diabet və psixi pozğunluqları olan insanlarda hiss edilə biləcəyini deyib.
Aztibb.az “MedikForum” portalının istinadən xəbər verir ki, somnoloqun sözlərinə görə, gündüz yuxululuğu bir çox hallarda heç bir patoloji demək deyil.
Gün ərzində yatmaq istəyinə təsir edə biləcək hallardan danışan mütəxəssis buludlu hava, yemək, saat qurşağının dəyişməsi və havasız otaqda olmağı əsas gətirib.
“Bədənin xəstəlikdən və ya stressdən sağaldığı müddət ərzində siz də yatmaq istəyirsiniz. Bir qayda olaraq, patoloji olmayan yuxululuq, onu yaradan amilin təsiri dayandırıldıqdan sonra öz-özünə keçir", - deyə somnoloq qeyd edib.
Həkim vurğulayıb ki, müxtəlif patologiyalara görə gündüz şiddətli yuxululuq baş verə bilər. Xüsusilə, yuxu zamanı tənəffüsdə qısa müddətli fasilələrin meydana gəldiyi apnenin olması ilə yaxından əlaqələndirilə bilər.
Ekspertin qeyd etdiyi digər problemlərə ürək-damar xəstəlikləri, dəmir çatışmazlığı anemiyası, Parkinson xəstəliyi, qalxanabənzər vəzin xəstəlikləri, şəkərli diabet, depressiya, nevroz və digər psixi pozğunluqlar daxildir.
Mütəxəssis əlavə edib ki, yuxululuq allergiya dərmanları, antidepresanlar, antiviral və ya antibakterial dərmanlar kimi bəzi dərmanların qəbulu nəticəsində də yarana bilər.
Patoloji gündüz yuxululuğu hiss edirsinizsə, həkimə müraciət etməlisiniz. Bundan əlavə, bu cür yuxululuqla yanaşı digər mənfi simptomlar da baş verə bilər.