Ümumdünya Səhiyyə Təşkilatı (ÜST) Afrika qitəsinin əksər ölkəsində poliomielit hallarının olduğunu açıqlayıb.
Aztibb.az medimagazin.com.tr-yə istinadən xəbər verir ki, ÜST-ün Afrika üzrə nümayəndəliyi açıqlamasında Afrikadakı poliomielit hadisələrinə diqqət çəkib.
Açıqlamada qitənin 21 ölkəsində poliomielit hallarının olduğu bildirilib.
Açıqlamada poliomielitlə mübarizənin yetərincə olmadığı vurğulanıb, xəstəlikdən əziyyət çəkən və hələ də tibbi müdaxilənin edilmədiyi bölgələrin çox olduğu qeyd edilib.
Digər tərəfdən, son bir ildə uşaq iflici hallarında azalma olduğu da paylaşılıb.
Qeyd edək ki, poliomielit 5 yaşdan kiçik uşaqlarda baş verən və eyni adlı virusun törətdiyi xəstəlik kimi müəyyən edilir.
Virus hər 200 hadisədən birində onurğa beyninə yayılır və geri dönməz ifliclərə səbəb olur. İflic olanların 5-10 faizi tənəffüs əzələləri təsirləndikdə ölür.