Bir araşdırmaya görə, 2050-ci ilə qədər dünyada böyüklərin yarısından çoxunun artıq çəki və ya piylənmə problemi yaşayacağı proqnozlaşdırılır.

Aztibb.az "The Lancet" jurnalında dərc olun arşdırmaya istinadən yazır ki, 200-dən çox ölkədən alınan məlumatlara əsaslanan tədqiqatçılar inkişaf etmiş və inkişaf etməkdə olan ölkələrdə ən mühüm sağlamlıq probleminə çevrilən piylənmənin gedişatını araşdırıblar.

Ümumdünya Səhiyyə Təşkilatı artıq çəkiyə “orqanizmdə həddindən artıq yağ yığılması”, piylənmə isə “bədənin yağ kütləsinin arıq kütləyə nisbətinin artması, nəticədə bədən çəkisinin boyuna nisbətdə arzu olunan həddi aşması” kimi təyin edilir.

Tədqiqat, 2021-ci ilə qədər dünya üzrə yetkin əhalinin demək olar ki, yarısının artıq çəkidən və ya piylənmədən əziyyət çəkdiyini və həm kişilərdə, həm də qadınlarda bu sağlamlıq problemini yaşayan insanların nisbətinin 1990-cı ildən bəri iki dəfə artdığını qeyd edib.

Tədqiqat müəyyən edib ki, mövcud tendensiyalar davam edərsə, 2050-ci ilə qədər artıq çəki və piylənmə nisbəti kişilərdə 57,4, qadınlarda isə 60,3 faizə çata bilər.

Araşdırmada, xüsusilə uşaqlar, yeniyetmələr və gənclər arasında piylənmənin 121 faiz artacağı proqnozlaşdırılıb və 2050-ci ilə qədər piylənmə problemli gənclərin sayının 360 milyona çatmasının gözlənildiyi vurğulanıb.

Tədqiqat həmçinin 2050-ci ilə qədər piylənmənin Çin, Hindistan və ABŞ-da daha çox yayılacağı proqnozlaşdırıldığını bildirib.