ÜST Avropa regionunda qızılcaya yoluxma hallarının rekord səviyyədə olduğunu, Avropa ölkələri ilə yanaşı, Belarus, Ermənistan, Gürcüstan, Azərbaycan, Qazaxıstan, Qırğızıstan, Tacikistan, Özbəkistan və Türkiyə kimi postsovet ölkələrini də əhatə etdiyini bildirib.

Aztibb.az “Rossiyskaya qazeta”ya istinadən yazır ki, keçən il yoluxanların sayı son dörddəbir əsrdə ən yüksək göstərici olub.

Bu tendensiya necə izah oluna bilər və region ölkələrindəki vəziyyət haqqında nə demək olar? Rusiya Elmlər Akademiyasının akademiki Aleksandr Qorelov bu mövzuda sualları cavablandırıb.

"Qızılcaya yoluxma hallarının artması mütəmadi olaraq, orta hesabla hər beş ildən bir müşahidə olunur. Bu, peyvənd olunmayan zəif immunitetli insanların sayının getdikcə artması ilə əlaqədardır. Hazırda qızılca ilə bağlı vəziyyət sabitdir. Keçən il genişmiqyaslı peyvənd kampaniyası aparılıb. Beləliklə, biz xəstəliyin pik həddi 24-cü ilin aprel ayında keçib xəstəlikdir", -deyə Aleksandr Qorelov bildirib.

Akademik qeyd edib ki, qızılcadan danışarkən iki vacib şeyi başa düşmək lazımdır. Birincisi, bu, yüksək yoluxuculuq indeksinə malik ağır və yüksək yoluxucu bir infeksiyadır. Qızılca xəstəsi ilə eyni otaqda olan qızılcaya qarşı peyvənd olunmayan on nəfərdən, demək olar ki, 8-9 nəfər yoluxacaq. Ona görə də qızılca xəstəliyinə yoluxma riski çox böyük şəhərlərdə, ticarət mərkəzlərində rast gəlinir.

İkincisi, bu, peyvəndlə qarşısı alına bilən infeksiyadır, uşaqlar məktəbə qədər iki dəfə, 1 yaşında və 6 yaşında qızılcaya qarşı peyvənd olunmalıdırlar.