Malyariyaya qarşı gözlənilən peyvəndlər artıq mövcuddur
29.01.2024 10:17

Kamerunda icra olunan müntəzəm immunizasiya proqramının bir hissəsi kimi tətbiq edilən ilk müntəzəm uşaqlıq malyariya peyvəndi “GlaxoSmithKline” tərəfindən istehsal olunan RTS, S və ya Mosquirix peyvəndləri ilə idi.

Aztibb.az “Medimagazin” portalına istinadən xəbər verir ki, 60 illik axtarışdan sonra, müntəzəm immunizasiya proqramının bir hissəsi olaraq verilən ilk müntəzəm uşaqlıq malyariya peyvəndləri ötən həftə Kamerunda körpələrə və gənc uşaqlara tətbiq edildi.

Körpələrə bundan əvvəl Ümumdünya Səhiyyə Təşkilatı (ÜST) tərəfindən 2021-ci ildə ümumi istifadə üçün təsdiq edilmiş RTS, S və ya Mosquirix peyvəndləri tətbiq edilib.

Xəstəliyi və ölümü azaldır

Peyvəndin effektivliyi zamanla nəzərəçarpacaq dərəcədə azalıb, lakin ÜST-ün Qana, Keniya və Malavidə apardığı 4 illik sınaq onun gənc uşaqlarda xəstələnmə və ölüm hallarını azaltdığını göstərib. On doqquz digər Afrika ölkəsi bu il yeni təsdiqlənmiş başqa bir malyariya peyvəndi olan RTS, S və ya R21-i müntəzəm olaraq tətbiq etməyə başlamağı planlaşdırıb.

Hər iki peyvənd normal olaraq həyatın altıncı ayından başlayaraq dörd peyvənd seriyası olaraq verilir.

 

Malyariya hər il Afrikada 5 yaşından aşağı təxminən 470.000 uşağı öldürür. Digər tərəfdən, Kamerunda malyariyaya yoluxma halları 2015-2022-ci illər arasında 49% artıb.