Ümumdünya Səhiyyə Təşkilatı (ÜST) səhiyyə sahəsində ChatGPT kimi proqramlardan istifadə edərkən ehtiyatlı olmağa çağırıb.

Aztibb.az xəbər verir ki, ÜST-dən verilən açıqlamada, xəstəlik diaqnozu kimi sağlamlıq sahəsində süni intellektin istifadəsinin geniş vüsət aldığı diqqətə çatdırılıb.

Açıqlamada vurğulanıb ki, ChatGPT və Google Bard kimi Böyük Dil Modellərindən (LLM) istifadə edərkən ehtiyatlı olmaq lazımdır, çünki onlar qeyri-adekvat şəraitdə xəstəliyin diaqnozuna kömək etməklə yanaşı, həm də risklər daşıyır.

Bəyanatda ÜST-ün sağlamlıq tədqiqatlarına töhfə vermək üçün LLM-dən istifadə etməkdə "həvəsli" olduğu vurğulanır, lakin sınaqdan keçirilməmiş sistemlərin sürətlə mənimsənilməsinin səhvlərə səbəb ola biləcəyi və xəstələrə zərər verə biləcəyi bildirlir.

Açıqlamada, LLM-nin ardıcıl şəkildə tətbiq edilməməsi ilə bağlı narahatlıqların olduğu və bu təcrübənin süni intellektə olan inamı da sarsıda biləcəyi ifadə edilib.

Bəyanatda vurğulanır ki, LLM ictimaiyyət üçün etibarlı sağlamlıq məlumatlarından ayırd etmək çətin olan mətn, audio və ya video məzmun şəklində yüksək inandırıcı dezinformasiya hazırlamaq və yaymaq üçün sui-istifadə edilə bilər.