Sankt-Peterburqda 1-ci tip şəkərli diabetin inkişafının qarşısını ala biləcək dərmanın klinik sınaqlarına başlanılacaq.
Aztibb.az “Neva Today” internet qəzetinə istinadən xəbər verir ki, sınaq məqsədlə Biocad şirkəti Rusiya Federasiyasının Səhiyyə Nazirliyindən icazə alıb.
Qeyd edək ki, 1-ci tip şəkərli diabet mədəaltı vəzinin beta hüceyrələrinin məhvinə əsaslanan bir xəstəlikdir. Bu vəziyyətdə bədəndə insulin çatışmazlığı inkişaf edir, xroniki hiperqlikemiyaya - qanda qlükoza səviyyəsinin artmasına səbəb olur.
Monoklonal anticisimlər əsasında yaradılmış yeni "Biocad" preparatı beta hüceyrələrinin məhvinin qarşısını ala bilər.
Klinik sınaqların birinci mərhələsi Sankt-Peterburqda keçiriləcək, təcrübələrdə 18 yaşdan 45 yaşa qədər sağlam kişilər iştirak edəcəklər.
