Səhər idman etmək, gəzmək və ya velosiped sürmək xərçəngin qarşısını ala bilər. Məlumata görə, səhər fiziki fəaliyyət hormon səviyyəsi və qida mübadiləsinə təsir edir.
Aztibb.az meddaily.ru-ya istinadən xəbər verir ki, bu barədə Barselona Qlobal Sağlamlıq İnstitutunun işçiləri araşdırma aparıb. Tədqiqatda 2800 nəfər iştirak edib.
Araşdırma nəticəsində məlum olub ki, səhər saat 8-dən 10-a qədər fiziki cəhətdən aktiv olanlarda prostat və ya süd vəzi xərçənginin yaranma ehtimalı azdır.
Alimlərin hesabatında deyilir: "Xərçəngin yaranmasında mümkün səbəblərdən biri gündəlik rejimin pozulması, qida qəbulu və işıq səviyyələri kimi xarici faktorların yaratdığı narahatlıqdır. Həyat boyu nizamlı fiziki fəaliyyət xərçəng riskini azalda bilər. Və bu qoruyucu təsir səhər idman etdikdə daha faydalı ola bilər".