Böyük Britaniyada yeni nööv koronavirus (COVID-19) infeksiyasına 21 331 yeni yoluxma faktı qeydə alınıb.

Aztibb.az xəbər verir ki, son sutka ərzində koronavirusdan rekord sayda ölüm qeydə alınıb - 241 nəfər.

Hazırkı dövrədək ölkədə 762 542 nəfərin koronavirus infeksiyasına yoluxması faktı müəyyən edilib. Onlardan 43 967 nəfər vəfat edib.

Türkiyədə son sutka ərzində koronavirusdan 74 nəfər ölüb. Bu barədə Türkiyənin Səhiyyə naziri Fəxrəddin Qoca bildirib.

Nazir açıqlamasında qeyd edib ki, son 24 saatda 116 565 şübhəli koronavirus testindən keçib, onlardan 1894-nün cavabı pozitiv çıxıb, 1512 xəstə isə sağalaraq evə buraxılıb. Ağır xəstə sayı 1545 nəfər olub.   

Türkiyədə ümumilikdə 351 413 nəfər yeni növ koronavirus infeksiyasına yoluxub, indiyədək onlardan 9445 nəfər ölüb.

Rusiyanın paytaxtı Moskva şəhərində isə son sutka ərzində koronavirusdan 63 nəfər dünyasını dəyişib. Bununla da Rusiya paytaxtında yeni növ virusdan ölənlərin sayı 6121 nəfərə çatıb.

Qeyd edək ki, ötən gün Moskvada yoluxma sayı 49 olub.