Rusiyada istehsal olunan vacib dərmanlar (VED) siyahısından əksər dərmanların qiymətlərində artım gözlənilir.
Aztibb.az “RİA Novosti”yə istinadən yazır ki, Rusiya Federasiyasının səhiyyə naziri Mixail Muraşkonun sözlərinə görə, bu sahədə qiymətlər tənzimlənir.
Bununla belə, eyni zamanda, biotexnologiya və əczaçılıq sahəsində beynəlxalq ekspert Sergey Vostruxov bildirib ki, hazırda bu siyahıya daxil olmayan dərman vasitələrinin bahalaşması riski yüksəkdir.
“Onların qiymətləri əsasən istehsal dəyərindən, buna görə də Rusiya zavodlarının hələ də xaricdən almağa davam etdiyi əsas və köməkçi xammalın qiymətlərindən asılıdır. Çin və Hindistandan olan əczaçılıq maddələri istehsalçıları onların Rusiya bazarı üçün əhəmiyyətini yaxşı dərk edirlər və bundan maksimum marja qazanmaq fürsətini əldən vermək fikrində deyillər”, - deyə ekspert bildirib.
Qeyd edib ki, həyati vacib və zəruri dərmanların siyahısına mühüm kardioloji dərmanlar, habelə venadaxili qidalanma üçün Rusiya istehsalı olan bəzi maddələr və digər dərmanlar daxil deyil.
Ekspert vurğulayıb ki, Rusiya istehsalı olan dərman preparatlarının Çin-Hindistan xammal asililiğından tədricən çıxarılması ən mühüm strateji vəzifədir.