Amerika alimləri müəyyən ediblər ki, orqanizmdə toplanan külli miqdarda mikroplastiklər insan davranışını dəyişir. Kiçik plastik hissəciklər beyin üçün xüsusilə zərərlidir. Onlar hətta virus və bakteriyaların da öhdəsindən gələ bilməyəcəyi maneələri və müdafiə mexanizmlərini keçirlər.

Aztibb.az "Podmoskovye seqodnya" onlayn nəşrinə istinadən xəbər verir ki, mütəxəssislərin bildirdiyinə görə, plastikdən hazırlanmış hər hansı məişət əşyaları ilə təmas zamanı orqanizmə daxil olur.

“Plastik butulkalardan su içməklə başlayıb, plastik torbalarda qida ilə bitir. Alimlər uşaqlarda plastik hissəciklər aşkar ediblər. Onlar oyuncaqlarla oynayırlar və çox vaxt polipropilendən hazırlanan yeməklər yeyirlər.

Mikroplastiklərin insan orqanizminin bütün orqan və sistemləri üçün təhlükəli olduğu qeyd edilir. Hətta qan dövranına daxil olur və zaman keçdikcə iltihab və xroniki xəstəliklərə səbəb olur.

Mədə-bağırsaq traktında plastik səbəbiylə mikrobiotanın fəaliyyəti və həzm prosesləri pozulur. Eyni zmanda tədqiqatlar tənəffüs sistemində də yenitörəmələrin inkişaf riskini sübut edib.

Özünüzü plastik hissəciklərdən qorumaq üçün təbii materiallardan hazırlanmış qablara və əşyalara keçmək məsləhətdir.

"Şüşə, taxta və ya keramika qablardan istifadə edin. Plastik butulkalardan su içməyin və birdəfəlik qabları atın. Həm də sintetik parçadan olmayan, pambıq və yundan hazırlanmış əşyalar geyin”, - deyə mənbədən bildirilib.