Əgər siz də yastı pəncəlikdən şikayət edirsizsə, ayaq üstə durduğunuz zaman pəncənizin yerlə tam təmas halında olduğu görüntüsü ilə tanışsınız. Normal yetkin insan ayağında 26 sümüyü birləşdirən 33 oynaq, 100-dən çox əzələ, vətər (tendon) və bağlar var. Ayaq vətərləri gərgin lent şəklində pəncə və daban sümüklərinə yapışaraq pəncə tağı dediyimiz hündürlüyü əmələ gətirir.

Aztibb.az xəbər verir ki, Əməkdar həkim Elviz Qasımovun sözlərinə görə, tendonlar kifayət qədər gərgin olmadıqda ayaq altındakı qövs azalır və yastı pəncəlik yaranır. Belə vəziyyət həm böyüklərdə, həm də uşaqlarda görülə bilər.

Həkim qeyd edib ki, yastı pəncəliyin əsas simptomları ağrı və kosmetik görünüşdə müşahidə edilən deformasiyadır. Ağrı qaçış, idman və digər fiziki fəaliyyət zamanı artır. Pəncə və ayaq altında hiss edilən ağrı şiddətli olarsa, yeriməkdə belə çətinlik yarada bilər.

Yastı pəncəlik hansı səbəblərdən yaranır?

- Genetik-irsi faktorlar,
- Bağların yumşaq olması,
- Zəif və ya yırtılmış vətərlər,
- Sümüklərin sınıq vəya çıxıq olması,
- Tarsal koalisiya- sümüklərin anadangəlmə bitişik olması,
- Revmatoid artrit xəstəliyi,
- Beyin iflici, əzələ distrofiiyası kimi bəzi sinir-əzələ sistemi xəstəlikləri,
- Çəki artımı və piylənmə,
- Hamiləlik,
- Qocalma və s.