Əzələlər süd vəzinin formasına təsir etmədikləri üçün süd vəzinin dəyişdirə biləcək bir idman növü yoxdur. Tam süd vəzi simmetriyasına sahib olan çox az qadın vardır.

Aztibb.az xəbər verir ki, mammoloq-onkoloq Cəlil Bağırovun bildirdiyinə görə, çox hallarda süd vəzilərinin böyüklüyü (həcmi) forması və süd vəzisindəki yeri və bunlarla birlikdə süd vəzi giləsi və areolanın böyüklüyü və forması baxımından fərqlilik görünür.

Həkim qeyd edib ki, bu təbii fərqliliyə süd vəzi assimmetriyası adı verilir və bu vəziyyətin irsi faktorları və yeniyətməlik dövründəki hormonal təsirdən qaynaqlandığı düşünülür.

Süd vəzisinin inkişafının göstərən əsas faktor ostrogendir və inkişaf zamanı süd vəzilərinin assimetriya olması son dərəcə təbii və normaldır.

Daha sonrasında inkişafla birliktə bu assimmetriya azalır və süd vəziləri böyük ölçüdə oxşarlıq qazanırlar. Buna baxmayaraq, hər 4 qadından 1-də inkişaf tamamlandıqdan sonra da sağ və sol süd vəzisi arasında ölçü və forma fərqi olur.