Rusiyada son sutka ərzində daha 15 982 nəfər yeni növ koronavirusa (COVID-19) yoluxub. Bununla Rusiyada COVID-19-a yoluxanların sayı 1 415 316 nəfərə çatıb.
Son sutka ərzində Rusiyada 179 nəfərin koronavirusdan öldüyü bildirilib. Ümumilikdə ölkədə koronavirusdan ölənlərin sayı 24 366 nəfərə çatıb.
Aztibb.az xəbər verir ki, Rusiya koronavirusa yoluxmaların sayına görə dünyada ABŞ, Hindistandan və Brazilyadan sonra dördüncü yerdə gəlir.
Ukraynada koronavirusa yoluxanların sayı 300 min nəfəri keçib. Ötən gün ölkədə 4766 nəfər koronavirusa yoluxub. Bununla da pandemiya dövründə Ukraynada 303 min 638 nəfər bu virusa yoluxub. Bu infeksiyadan ölənlərin ümumi sayı 5673 nəfərdir, ölənlərin 75 faizi 60 yaşdan yuxarı insanlardır.
Ən çox yoluxma halları Kiyev, Odessa, Dnepropetrovsk və Xarkov vilayətlərində qeydə alınıb.
Ukraynada koronavirusla bağlı vəziyyət pisləşdiyindən karantin müddəti dekabrın 31-dək uzadılıb və karantin şərtləri sərtləşdirilib.
Gürcüstanda son sutka ərzində COVID-19-a 1 186 yoluxma halı qeydə alınıb. Qonşu ölkədə koronavirusa yoluxanların sayı 18 663 nəfərə çatıb.
Ermənistanda son sutka ərzində bu virusa 766 yoluxma halı baş verib, 10 nəfər ölüb. Koronavirusa yoluxanların ümumi sayı 65 460 nəfərə çatıb, ölənlərin sayı isə 1 091 nəfərdir.