Gələn həftə Ukraynada yeni ekspress COVID-19 testləri istifadəyə verilə bilər.

Bu barədə Səhiyyə nazirinin müavini, baş dövlət sanitar həkimi Viktor Lyaşko bildirib.

"Polimeraz zəncir reaksiyası metodu ilə yoxlamadan başqa, indi yeni ekspress testlər çıxıb. Onlar Ümumdünya Səhiyyə Təşkilatı tərəfindən tanınıb və kütləvi yoxlama vaxtı tətbiq üçün tövsiyə edilib. Ailə həkimi, mobil briqada tərəfindən yoxlanıla bilən bu testlər yaxın vaxtlarda istifadəyə veriləcək", - deyə V. Lyaşko qeyd edib.

Nazir müavini əlavə edib ki, pasiyentin xəstəxanaya yerləşdirilməsi vaxtı həkim dərhal ekspress test edəcək və onun nəticəsi 15-30 dəqiqə sonra hazır olacaq.

V.Lyaşkonun sözlərinə görə, bu testlərin etibarlılığı polimeraz zəncir reaksiyası testi kimidir.