Diyetoloq Yelena Solomatina bildirib ki, qara və çovdarlı maya çörəyi orqanizm üçün təhlükəli ola bilər.
Aztibb.az pravda.ru-ya istinadən yazır ki, onun sözlərinə görə, hər hansı bir maya çörək mədə üçün ən yaxşı yemək deyil. Mədə-bağırsaq traktından əziyyət çəkən insanlara maya çörəyi tövsiyə edilmir.
Y.Solomatina qeyd edib ki, çörək həzm sistemində yükü artıra bilər. Bundan əlavə, maya çörəyi bağırsaq mikroflorasına pis təsir edir və onunla problemi olanlar da belə çörəyi pəhrizdən çıxarmalıdırlar.
Bundan əlavə, maya səbəbiylə allergik reaksiya bədəndə narahatlıq və mənfi təsirlərə yol aça bilər.
Diyetoloq qeyd edib ki, maya çörəyinin istifadəsi ilə mədə-bağırsaq traktının xəstəliklərinin kəskinləşməsi arasında əlaqə artıq sübut olunub. Bütün taxıllardan hazırlanmış qara maya çörəyi, eləcə də çovdar çörəyi həzm sisteminin pisləşməsinə gətirir.