Dermatoloq Vera Voronina bildirib ki, bioloji aktiv əlavələr (BAA) dərini günəş radiasiyasının təsirindən qoruya bilməz.

Aztibb.az svetlo.media-ya istinadən xəbər verir ki, V.Voroninanın bildirdiyinə görə, bu gün getdikcə daha tez-tez qida əlavələri ilə dərini fotoyaşlanmadan qorumaq üçün məsləhətlərə rast gəlmək olur. Təəssüf ki, bu üsul işləmir.

O, yalnız fotodermatozlu xəstələrdə beta-karotenin istifadəsi ilə bağlı məhdud məlumatların olduğunu vurğulayıb.

Dermatoloq qeyd edib ki, fiziki və kimyəvi vasitələr insanı günəşdən qorumağa kömək edir. Fiziki olanlar dərini qıcıqlandırmır və daha təhlükəsiz vasitədir. Həkimin fikrincə, kimyəvi maddələr daha yüksək qoruma yaradır.

Həkim günəşdən qorunma məhsullarına ən çox allergik reaksiyaların kimyəvi maddələrlə əlaqəli olduğunu söyləyib.