Məlumdur ki, erkək ağcaqanadlar dişiləri qulağı ilə axtarır. Bir sıra ağcaqanadlar malyariya və digər xəstəliklərin daşıyıcısı olduğundan, ingilis bioloqları həşəratları partnyorlardan məhrum etmək və çoxalmanın qarşısını almaq üçün eşitmə reseptorları üzərində hərəkət etməyə qərar veriblər.

Aztibb.az xəbər verir ki, “Nature Communications” jurnalının məlumatına görə, London Kral Kollecinin bioloqları cütləşmək üçün fərdləri axtararkən xüsusilə aktivləşən eşitmə reseptorlarını müəyyən ediblər. Onlar həşəratları "gicəlləndirə" bilən və bununla da təhlükəli xəstəliklərin daşıyıcılarının çoxalmasının qarşısını alan insektisidlər tapıblar.

Britaniya alimləri ağcaqanadların eşitmə cihazında hansı genlərin cütləşmə tərəfdaşlarının axtarışında xüsusilə aktiv olduğunu müəyyən etməyə imkan verən təcrübələr aparıblar. Oktopamin reseptor geni xüsusilə aktiv olub. Belə bir dövrdə dişi tapmaq üçün bir növ "radar" rolunu oynayır.

Alimlər müəyyən edib ki, mexanizm nisbətən asanlıqla pozula bilər, bu reseptorların fəaliyyəti insektisidlər, xüsusən də amitraz tərəfindən yatırıla bilər. Lakin bioloqlar çoxalmanın qarşısını almaq və təhlükəli həşərat növlərinin sayını azaltmaq missiyasını yerinə yetirmək üçün daha güclü yeni dərmanlar yaratmaq niyyətindədirlər.