Oklahoma Universiteti və Stenford Universitetindən olan tədqiqatçılar tərəfindən aparılan araşdırmada insanlara dəri rəngini verən piqmentasiya ilə əlaqəli 135 yeni gen müəyyən edilib.

Aztibb.az xəbər verir ki, “News Medical Life Sciences”da yer alan məlumata görə, tədqiqatçılar dəri piqmenti olaraq da adlandırılan "melanin" istehsalına təsir edən 169 funksional fərqli gen tapıblar.

Onlardan 135-i əvvəllər piqmentasiya ilə əlaqəli olmayıb. Araşdırmaya görə, yeni kəşf edilən KLF6 və COMMD3 adlı iki gendən biri olan DNT bağlayıcı zülal KLF6, insanlarda və heyvanlarda melanin istehsalında itkiyə səbəb olur, digər növlərdə isə melanin istehsalında rol oynayır. COMMD3 melanosomların turşuluğunu idarə edərək melanin sintezini tənzimləyir.

Bildirilib ki, melanini nəyin tənzimlədiyini başa düşməklə, daha açıq dərili insanları melanoma və ya dəri xərçəngindən qorumaq mümkündür. Bu yeni melanin genlərini hədəf alaraq, vitiliqo və digər piqmentasiya xəstəlikləri üçün melanini dəyişdirən dərmanların da hazırlanmasına imkan verə bilər.

Belə melanin istehsal edən genləri kəşf etməklə tədqiqatçılar mikroblara və xəstəliklərə qarşı effektiv müdaxilələr hazırlaya bilərlər.