Diyetoloq Mine Özkazanç Akren yay aylarında daha çox rast gəlinən qida zəhərlənməsi ilə bağlı xəbərdarlıq edib.

Aztibb.az cnnturk.com-a istinadən xəbər verir ki, sağlamlığımızı qorumaq üçün istifadə etdiyimiz qidaların bəzi hallarda sağlamlığımıza zərər verə biləcəyinə diqqət çəkən ekspert qida ilə əlaqəli proseslərdə bir az laqeydlik sağlamlığımızı pisləşdirə və qida ilə əlaqəli xəstəliklərə və ölümlərə səbəb ola biləcəyini deyirb

O, bir çox ölkədə qidanın daha təhlükəsiz hala gətirilməsi üçün mövzu ilə bağlı müxtəlif təcrübə və qanuni tənzimləmələrin qurulmasına baxmayaraq, qida ilə bulaşan xəstəliklərin yenə də yaşandığını söyləyib.

Qeyd edib ki, bu mənada qida zəncirindəki fermerlər, istehsalçılar, marketlər və restoranlar çox diqqətlə müəyyən edilmiş ciddi qida təhlükəsizliyi üsullarını tətbiq etməlidirlər. Amma ərzaq bazardan çıxandan sonra ərzaq təhlükəsizliyi artıq alıcının üzərinə düşür.

“Bəzi insanlar daha həssas ola bilər. Körpələr, hamilə qadınlar, yaşlılar və ya xərçəng xəstələri kimi immun sistemi zəif olan insanlar risk altındadır. Bu fərdi fərqlər də nəzərə alınmalıdır. Eyni zərərli yeməyi qəbul etdikdən sonra sizdə baş verən simptomlar digər insanda olmaya bilər, bəzilərində isə ciddi simptomlar ola bilər. Görünən reaksiya bakteriya və ya toksinin qida ilə nə qədər çirklənməsinə və istehlak edilən qida miqdarına görə dəyişə bilər.