Minnesota Universitetinin mütəxəssisləri müxtəlif qidaların insan sağlamlığına təsiri ilə bağlı uzunmüddətli araşdırma aparıblar.
Aztibb.az “MedikForum”a istinadən xəbər verir ki, araşdırmanın nəticəsi olaraq qarın nahiyəsində və əzələ toxumasında yağ yığılmasına səbəb olan aspartamın mənfi təsirini qeyd ediblər.
"Internation Journal of Oesity"nin məlumatına görə, amerikalı alimlərin tədqiqatı təxminən 20 il davam edib. Nəticələr məyusedicidir. Əldə edilən məlumatlar aspartamın müxtəlif orqan və toxumalarda yağ yığılmasına səbəb olduğunu göstərir.
Keçmişdə bir çox diyetoloqlar adi şəkərə alternativ olaraq dadlandırıcı tövsiyə edirdilər. Lakin son araşdırmalar göstərir ki, bu məsləhət yanlışdır.
Mütəxəssislər hər hansı şəkər əvəzedicilərindən imtina edib-etməmək barədə konsensusa gəlməyiblər. Onlar digər dadlandırıcıların insan orqanizminə necə təsir etdiyini anlamaq üçün əlavə araşdırmalar aparmaq niyyətindədirlər.
