Analar ana südü ilə qidalandırmanı davam etdirərkən, bəzi hallarda süni uşaq qidasından istifadə etməyə ehtiyac duya bilərlər.
Aztibb.az Ümumdünya Ana Südü ilə Qidalandırma Həftəsində UNİCEF-in saytına istinadən xəbər verir ki, süni uşaq qidası və ana südünü əvəz edən digər məhsullarla bağlı qərəzsiz məlumatlar axtarmaq vacibdir. Ana südü ilə qidalandırmanı davam etdirə bilmək üçün, körpənizə mümkün qədər tez-tez ana südü verməyə davam etməlisiniz.
Xəstə olduqda ana südü ilə qidalandırmaq olmaz kimi fikirlər də var. Xəstələnmənin növündən asılı olaraq, analar xəstə olarkən də süd verməyə davam edə bilər. Anaların düzgün müalicə qəbul etməsini, istirahət etməsini, qida və su qəbul etməsini təmin etmək lazımdır. Bir çox hallarda bədəninizin xəstəliyi və ya xəstələnməni müalicə etmək üçün istehsal etdiyi anticisimlər körpənizə keçərək onun müdafiə vasitələrini formalaşdırır.
Ana südü ilə qidalandırırsınızsa, heç bir dərman qəbul edə bilməzsiniz fikri də mifdir. Ana südü ilə qidalandırdığınızı həkiminizə bildirmək və aptekdən aldığınız hər hansı dərmanların təlimatlarını oxumaq çox vacibdir. Konkret bir zamanda və ya konkret bir dozada dərman qəbul etmək və ya alternativ bir resept qəbul etmək lazım ola bilər.
