Ana südü ilə qidalandırmanı doğuşdan sonrakı ilk saat ərzində başlasanız, bu proses daha asan olar, çünki həmin vaxt körpənin refleksləri çox güclü olur.

Aztibb.az Ümumdünya Ana Südü ilə Qidalandırma Həftəsində UNİCEF-in saytına istinadən xəbər verir ki, analar buna vaxtında əməl etsə körpə döş üzərində qidalanmağı öyrənməyə hazır olur.

Əgər körpənizi doğuşdan dərhal sonra döşünüzə qoymamısınızsa, bunu imkan daxilində mümkün qədər tez edin. Körpənin döşünüzə qoyulması üçün köməyə ehtiyacınız varsa, peşəkar laktasiya məsləhətçisindən və ya başqa bir ixtisaslı mütəxəssisdən kömək istəyə bilərsiniz. Tez-tez təkrarlanan dəri təması və körpənin döşə qoyulması ana südü ilə qidalandırmanı davam etdirməyə kömək edəcək.