31 iyul 1860-cı ildə Avstriyalı neyrocərrah, neyrocərrahiyyənin yaradıcılarından biri Anton Frayher fon Ayzelsberq (1860 - 1939) anadan olub. Məhz onun təşəbbüsü Vyanada dünyanın ilk təcili cərrahiyyə stansiyasının yaradılmasına səbəb oldu və bu, qəzalardan sonra tibbi müdaxilənin effektivliyini kəskin şəkildə artırdı.

O, Vyana, Vürzburq, Sürix və Parisdə tibb təhsili alıb. 1884-cü ildə o, dahi cərrah Teodor Bilrotun şagirdi və köməkçisi olur və Vyanadan doktorluq dərəcəsini alır. Utrext (1893), Köniqsberq (1896) və Vyanada (1901) cərrahiyyə professoru olur. 1890-cı ildə o, zob əməliyyatları ilə tədqiata başlayır. Tezliklə tiroid xərçəngini öyrənir və hipofiz cərrahiyyəsi sahəsində mühüm işlər görür.

Alim müasir mədə-bağırsaq cərrahiyyəsinin yaradıcılarından biri və Avropada onurğa sütununun şişini çıxaran ilk cərrah olub. O, beyin cərrahiyyəsində də qabaqcıl olub və həmçinin streptokok infeksiyaları üzrə tədqiqatlar aparıb.

Aztibb.az