Bu xəstəliyə səbəb olan dəqiq mexanizmlər hələ də aydın olmasa da, onun əmələ gəlməsində beyin hüceyrələrində anormal tau protein aqreqasiyalarının mühüm rol oynadığına inanılır. Bütün dünya müxtəlif birləşmələri sınaqdan keçirərək bu prosesin qarşısını almağın yolunu axtarır.

Aztibb.az trthaber.com-a istinadən xəbər verir ki, bu dəfə alimlərin diqqəti qəhvəyə düşüb.

Verona Universiteti tərəfindən aparılan bir araşdırma, müntəzəm espressonun tərkibində olan birləşmələrin (xüsusilə kofein və genistein) beyin hüceyrələrində tau zülallarının yığılmasını dayandıra biləcəyini müəyyən edib. Laboratoriya testlərində elm adamları espresso ekstraktını kəsilmiş tau forması ilə qarışdırıblar (bu, neyrodegenerativ prosesə daha az zərər verir) və sonra ikisini birlikdə 40 saat ərzində petri qabında inkubasiya ediblər.

Espressonun konsentrasiyası nə qədər yüksək olarsa, tau aqreqasiyası prosesi bir o qədər yavaş gedib və bəzi hallarda hətta artıq əmələ gələn aqreqatın qarşısını almaq mümkün olub. Bu, espressonun yüksək neyroprotektiv potensialını göstərir.

Alimlər neyrodegenerativ xəstəliklərlə mübarizədə təsirli olan digər bioloji aktiv birləşmələrin olduğunu və qarşıda daha çox heyrətamiz kəşflərin olacağına ümid edirlər.