Diabet və ya hamiləlik diabeti ana və körpədə bir çox sağlamlıq problemlərinə səbəb ola bilər. Oturaq həyat tərzi və piylənmənin artması ilə bütün dünyada diabet və hamiləlik diabeti halları artır.

Aztibb.az N1 Laboratoriyasının məlumatına istinadən xəbər verir ki, şəkər yükləmə testi kimi də tanınan oral qlükoza tolerantlıq testi (OGTT) xüsusilə prediabet, diabet və hamiləlik diabeti kimi xəstəliklərin diaqnostikasında istifadə edilən laboratoriya müayinəsidir.

Hamiləlik diabeti ana və körpəyə necə təsir edir?

Ən əhəmiyyətli təsirlərdən biri də körpənin həddindən artıq böyüməsi və buna görə də keysəriyyə ilə doğuş, doğuş travması və s. təsirlərdir.

Həmçinin körpənin ana bətnində ani ölümü, doğuşdan sonra körpədə tənəffüs problemləri və qan şəkərinin aşağı düşməsi, yeni doğulmuş sarılıq ehtimalının artması qarşılaşa biləcək problemlər arasındadır.

Bundan əlavə, hamiləlik diabeti olan qadınlarda ananın hamiləlik hipertoniyası (hamiləlik zamanı yüksək qan təzyiqi) və preeklampsiya (yüksək qan təzyiqi səbəbindən hamiləlik zəhərlənməsi) ehtimalı daha yüksəkdir.