Hepatit C, hepatit C virusu (HCV) ilə törədilən qaraciyər xəstəliyidir. Kəskin və ya xroniki gedişatı ola bilər və ağırlıq dərəcəsinə görə bir neçə həftə davam edən yüngül bir haldan ciddi, ömür boyu davam edən xəstəliyə qədər dəyişə bilər.

Aztibb.az qeyd olunan xəstəliyin müalicəsi üzrə metodik vəsaitə əsaslanaraq məlumat verir ki, virus əleyhinə dərmanlar hepatit C xəstələrinin 95% -dən çoxunu tam müalicə edir, sirroz və ya qaraciyər xərçəngindən ölmə riskini azaldır, lakin diaqnoz və müalicəyə əlçatanlıq aşağı səviyyədə qalır.

Hepatit C-yə qarşı təsirli bir peyvənd hazırda yoxdur, ancaq bu sahədə araşdırmalar davam edir.

Müalicəyə başlamazdan əvvəl pasiyentlə əlaqəli klinik məlumatlar, digər dərmanların eyni vaxtda qəbulu və təyin olunmuş dərmanların xüsusiyyətləri barədə məlumat əsasında istənilməyən yan təsirlərin inkişaf riskini qiymətləndirmək lazımdır.

Fertil yaşlı qadınlara hamiləlik testi təklif olunmalı və hamiləlik dövründə BTVP-nın təhlükəsizliyi və effektivliyi barədə etibarlı məlumatların olmaması barədə məlumat verilməlidir.

Əlavə olaraq, 2016-cı ildə ÜST, qaraciyərin mümkün sirrozunu aşkar etmək üçün APRI şkalası və ya FIB-4 testi kimi qeyri-invaziv testlər istifadə edərək müalicəyə başlamazdan əvvəl alkoqol istifadəsinin və fibrozun dərəcəsinin qiymətləndirilməsini tövsiyə edir.