Sentyabrın 28-dən başlayaraq TƏBİB-in İdarə Heyəti və mütəxəssisləri cəbhə bölgəsindədir. Bakıdan həm ezamiyyət üçün, həm könüllü gedən tibb işçilərimiz var.

Aztibb.az-ın verdiyi xəbərə görə, bunu TƏBİB-in şöbə müdiri Yaqut Qarayeva bu gün keçirilən brifinqdə deyib. 

"Ən qaynar nöqtələrdə TƏBİB-in xüsusi işçi qrupu var. Bütün xəstəxanalarımız aktiv fəaliyyətdədir. Bu vəziyyətdə koronavirus xəstələrinin sayının artması tibb işçiləri üçün ikinci cəbhənin açılması deməkdir. COVID-19 ilə mübarizə bu gün orduya dəstəkdir, qələbəyə dəstəkdir. Biz kütləvi tədbirlərdən uzaq durmalı, mütləq maska taxmalıyıq, sosial məsafəni qorumalıyıq”, - deyə Y.Qarayeva qeyd edib.