Sağlam qidalanma ümumi rifahımız üçün vacibdir, o, orqanizmi zəruri qidalarla təmin edir, immunitet sistemini dəstəkləyir və xroniki xəstəliklərin inkişafının qarşısını alır.

Aztibb.az xəbər verir ki, “MedikForum” portalının məlumata görə, qastroenteroloq Aleksandra Alisova mədə və bağırsaqlarda narahatlığın çox vaxt qida seçimi ilə bağlı olduğunu izah edib.

Narahatlığın əsas səbəbi düzgün qidalanmamaqdır. O, bəzi qidaların ciddi həzm problemlərinə səbəb ola biləcəyini vurğulayıb. Həkimin sözlərinə görə, hər onuncu xəstə köp, şişkinlik və ya gurultudan şikayətlənir.

Fruktoza orqanizm üçün çətin həzm olunur və bağırsaq xəstəliklərinə səbəb ola bilər. Tibb mütəxəssisi təkcə meyvələrin deyil, həm də xəmir, qatıq, limonad və ketçupun istehlakını məhdudlaşdırmağı tövsiyə edir.

Bundan əlavə, qulançar, soğan və çuğundurda olan bəzi karbohidratlar da narahatlıq yarada bilər. Qlütenə qarşı dözümsüzlüyü olan insanlara taxıl məhsullarından istifadə etməmək tövsiyə olunur.

Tibb mütəxəssisi həddindən artıq spirt istehlakı ilə pankreatitin - mədəaltı vəzinin iltihabının inkişaf ehtimalını da qeyd edib.