Həkim Entoni Fauci COVID-19 ilə mübarizədə apardığı araşdırma və məsləhətləri ilə tanınıb. Ötən həftə o, yalan ifadə verməkdə ittiham olunub. ABŞ senatoru həkimin koronavirus pandemiyasının yarandığı deyilən Çinin Uhan şəhərindəki laboratoriya ilə əlaqələri məlumatları gizlətməkdə günahlandırıb.

 
Aztibb.az planet-today.ru-ya istinadən xəbər verir ki, bununla bağlı ABŞ Baş Prokurorluğuna müraciət olunub. 

Həkimin e-poçtu yoxlanılıb və burada Uhan Universitetinin alimlərinin virusların funksiyalarını artırmaq üçün təcrübələr apardıqları ortaya çıxıb. Yəni o, laboratoriyada baş verənlərdən xəbərdar idi, lakin institutunun bu tədqiqatları maliyyələşdirdiyini etiraf etmirdi.

İndi həkimin ifadəsinə görə ona qarşı cinayət işi açılıb-açılmaması ilə bağlı müzakirələr gedir.