Virciniya və Şimali Karolina Universitetlərindən bir qrup alim elektron siqaret çəkərkən havada təhlükəli toksinlərin əhəmiyyətli dərəcədə artdığını sübut edən bir araşdırma aparıb.

Aztibb.az xəbər verir ki, "Drug and Alcohol Dependence" jurnalının məlumatına görə, tüstüdəki zərərli mikrohissəciklər tənəffüs zamanı ağciyərlərə, sonra isə qana nüfuz edə bilir. Sonra onların müxtəlif orqanlarda yığılması başlayır, ürək-damar patologiyalarına və onkoloji diaqnozlara qədər ciddi xəstəliklərə səbəb olur. 

Alimlər avtomobillərdə elektron siqaret çəkən 60 könüllüdən istifadə edərək təcrübə aparıblar. Artıq yeddinci dəqiqədə avtomobilin salonundakı hissəciklərin səviyyəsi baza səviyyəsini 22 dəfədən çox keçib.