Dismenoreya mensturasiya ilə bağlı qarının aşağı qismində sancı şəklində ağrıdır.Yeniyetmələrdə 50-90% hallarda görülür və yaş artdıqca azalır.

Aztibb.az xəbər verir ki, pediatr-endokroinoloq Könül Səmədovanın bildirdiyinə görə, dismenoreya birincili və ikincili olur.

Birincili dismenoreya zamanı altda yatan orqanik patologiya olmur. Diamenoreya menarxiyadan (ilk aybaşı) sonrakı ilk 6-24 ay içində görülür. Ağrı mensturasiyanın ilk iki günü çox olur, sonrakı günlərdə olmur. Ağrı ilə bərabər ürəkbulanma, bayılma, bel ağrısı müşahidə olunur. İsti və ağrıkəsicilər ağrını azalda bilir.

İkincili dismenoreya isə altda yatan pelvik (çanaq) patologiyası ilə bağlıdır. Bu zaman ağrı mensturasiyadan bir neçə gün öncə başlayır və mensturasiya boyu davam edir.

İkincili dismenoreyada ağrını diskeziya (ağrılı nəcis ifrazı), sidik ifrazı zamanı yanma, tez-tez sidiyə çıxma,s idikqaçırma kimi əlamətlər də müşayiət edir.