O, 1963-cü ildə Masallı rayonunun Böyük Xocavar kəndində anadan olub. 1984-cü ildə N.Nərimanov adına Azərbaycan Dövlət Tibb İnstitunun II Müalicə-profilaktika fakültəsinə daxil olub, 1990-cı ildə həmin institutu fərqlənmə diplomu ilə bitirib. Oxuduğu illərdə təhsildə qazandığı yüksək nailiyyətlərə görə Lenin təqaüdünə layiq görülüb.

 

Alim Məmmədov 1990-cı ilin sentyabr ayından 1992-ci ilin sentyabr ayına kimi ATU-nun Ümumi cərrahiyyə kafedrasının klinik ordinatoru, 1992-ci ilin noyabr ayından 1995-ci ilin noyabr ayına kimi həmin kafedranın aspirantı olub. 1996-cı ildə “Qanaxma ilə ağırlaşmış mədə və onikibarmaq bağırsaq xoralı xəstələrdə müalicə taktikasının seçilməsinin müasir aspektləri” mövzusunda namizədlik dissertasiyasını müdafiə edərək tibb elmləri namizədi alimlik dərəcəsini alıb.

 

1995-2015-ci illərdə ATU-nun Ümumi cərrahlıq kafedrasının assistenti, 2015-2023-cü illərdə həmin kafedranın dosenti vəzifələrində çalışıb.

 

O, 32 ildən artıq cərrahi, 25 ildən artıq pedaqoji təcrübəyə malikdir. 2 dərs vəsaitinin, 2 metodik tövsiyyənin, 2 səmərələşdirici təklifin, 2 metodik dərs vəsaitinin və 100-ə yaxın elmi məqalə və tezisin müəllifidir.