Səhiyyə Nazirliyinin Respublika Qan Bankının təşkilatçılığı, Saatlı Rayon Mərkəzi Xəstəxanasının dəstəyi ilə “Talassemiyasız həyat naminə” proqramı çərçivəsində könüllü qanvermə aksiyası keçirilib.

Xəstəxanadan Aztibb.az-a bildirilib ki, aksiyanın məqsədi talassemina və digər irsi qan xəstəliklərindən əziyyət çəkən şəxslərin müalicəsində istifadə olunan qan ehtiyatlarının artırılmasına, ehtiyacı olan şəxslərin qanla təminatına dəstək göstərməkdir.

Könüllü qanvermə aksiyasında Saatlı Rayon İcra Hakimiyyətinin, yerli idarə və təşkilatların nümayəndələri, həmçinin rayon ictimaiyyəti fəal iştirak edib.