Dəmir çatışmazlığı dünyada çox yayılmış bir qida problemidir. Çatışmazlıq daha çox körpələrdə və böyüyən uşaqlarda, hamilə qadınlarda və vegetarianlarda müşahidə olunur.

Aztibb.az cnnturk.com-a istinadən xəbər verir ki, qadınlarda dəmir ehtiyatları az olduğu üçün demək olar ki, hər 3 qadından 1-i dəmir çatışmazlığı səbəbindən anemiyadan əziyyət çəkir.

Qadınlarda menstruasiya zamanı həddindən artıq qanaxma səbəbiylə də dəmir çatışmazlığı yarana bilər. Xüsusilə qidaların tərkibində dəmirin az olması və bağırsaqlardan dəmirin sorulması çox çətin olduğu üçün dəmir çatışmazlığı tez-tez baş verir.

Həkim Fevzi Özgönül dəmir çatışmazlığına qarşı əhəmiyyətli xəbərdarlıqlar edib. O, doğru bildiyimiz başqa bir yanlış vərdişdən də danışaraq, qəhvənin yeməkdən dərhal sonra istehlak edilməməsi lazım olduğunu bildirib.

Yeməkdən dərhal sonra qəhvə qəbul etmək dəmirin udulmasına mənfi təsir göstərir. Dəmir insan orqanizmində cəmi 4-5 qram olmasına baxmayaraq çox vacib elementdir.

Dəmir, immunitet sisteminin gücləndirilməsi, sinir ötürülməsi, toxumalara oksigenin daşınması, DNT, RNT və zülal sintezi kimi həyat üçün vacib olan bir çox fermentin istehsalında iştirak edir. Buna görə də dəmir çatışmazlığı xüsusilə böyüyən uşaqlarda, yetkinlik dövründə və hamiləlik dövründə qadınlarda baş verir.

Yeməklərlə birlikdə çay içməyin də qidadan dəmirin udulmasını azaldır: "Çay, qəhvə və kakaonun tərkibindəki bəzi maddələr dəmirin udulmasını yarıya qədər azaldır. Bu səbəblə yeməkdən dərhal sonra içilən çay və qəhvədən imtina etməliyik".