Kocaeli Universitetinin professoru Dilek Bayramgürler ani artan temperaturun günvurma ilə sağlamlıq problemlərinə səbəb ola biləcəyi barədə xəbərdarlıq edib.

Aztibb.az cnnturk.com-a istinadən xəbər verir ki, onun sözlərinə görə, günvurma ürək döyüntüsü, tez-tez nəfəs alma, ürəkbulanma, qusma, baş ağrısı, çaşqınlıq, huşunu itirmə ilə nəticələnə bilər.

Bəzi insanlarda günəş yanığı riskinin daha yüksək olduğunu vurğulayan professor günəşin ilk dəri hüceyrələrimizə mənfi təsir göstərdiyini deyib: “Dəri hüceyrələrimizin DNT-sini birbaşa zədələyir və təbii ki, bu zərərin həm uzunmüddətli, həm də qısamüddətli nəticələri var”.

Günəş yanığı xüsusilə qırmızı saçlı, sarı saçlı, rəngli gözlü, çillərə meylli və açıq dərili insanlar üçün daha risklidir. Lakin qarbuğdayı və ya tünd dəriyə sahib olanlar da uzun müddət günəş altında qaldıqda təbii ki, günəş yanığına məruz qala bilərlər.

Günəş yanığına məruz qaldıqda nə etməli olduğunu izah edən həkim ilıq və ya soyuq su ilə duş qəbul etməyi tövsiyə edib.

Təbii ki, günəş yanığı daha şiddətli olarsa, bu dəfə ikinci dərəcəli yanıqlar yaranır və nəticədə qabarcıqlar əmələ gələ bilər. Belə hallarda xəstənin müalicəsinin həkim tərəfindən tənzimlənməsi çox sağlam olardı.

Birdə camaat arasında çox eşitdiyimiz gün yanıqlarına diş pastası, qatıq, tomat pastası sürtmək kimi tətbiqlər ola bilər. Bunları qətiliklə tövsiyə etmirik. Çünki bu məhsulların tərkibindəki kimyəvi maddələr dərimizdə allergik reaksiyalar yarada bilər və ya bəzən dəridə toplanıb qalıqlar əmələ gətirir və sonra həmin nahiyədə müxtəlif mikroorqanizmlərin çoxalmasına səbəb olur.