Kolorado Universitetini təmsil edən amerikalı elm adamları insanın mədəsindən niyə səslərin gəldiyini açıqlayıblar.

Aztibb.az ecopravda.ru-ya istinadən xəbər verir ki, alimlərin bildirdiyinə görə, mədə gurultusu təkcə insanın ac olması ilə bağlı deyil. Onların fikrincə, mədənin çıxardığı səslər peristaltikadan qaynaqlanır - onlar əzələlərin daralması nəticəsində yaranır.

Qarın gurultusu hətta yeməkdən sonra da müşahidə edilə bilər, çünki bir insanda iştahı tənzimləyən və peristaltikanı stimullaşdıran hormonlar var. Qida istehlakı zamanı mədə-bağırsaq traktında çoxlu sayda proseslər baş verir. Mütəxəssislər bildirirlər ki, qida qarışdırıldıqda onun həzmi də asanlaşır. Boş bir mədə daha çox səslər çıxarır, buna görə də insan ac olanda bu prosesi daha tez-tez hiss edir.

Bir neçə saat yemək yemədikdə, aclığı stimullaşdıran hormon olan qrelin istehsalı başlayır. Alimlər belə qənaətə gəliblər ki, bəzən gurultu da mədə-bağırsaq traktının problemlərindən qaynaqlanır və yeməyin natamam həzm olunması mədə və bağırsaqlarda artıq qazın əmələ gəlməsinə səbəb olur.