Ortopediya və travmatologiya mütəxəssisi professor Dr. Mahir Gülşən uşaqlarda skoliozun erkən diaqnozunda valideynlərin üzərinə məsuliyyət düşdüyünü və skolyoz hallarının daha çox qızlarda müşahidə edildiyini bildirib.

Aztibb.az cumhuriyet.com.tr-yə istinadən xəbər verir ki, həkimin sözlərinə görə, bədənin damını təşkil edən, sağlam nəfəs almada və ürəyin yaxşı işləməsində rol oynayan, beyindən əmrləri hərəkəti təmin edən əzələlərə ötürən sinirləri qoruyan onurğa skolyoz səbəbiylə üç ölçülü deformasiyaya uğraya bilər.

Onurğada 10 dərəcədən çox sağa və ya sola əyriliklərə səbəb olan skoliozun bir çox səbəbi var. Xüsusilə yeniyetməlik dövründə görülən bilinməyən səbəb növünə idiopatik skolyoz deyilir.

Onurğadakı əyilmə "S" və ya "C" formasına çevrilir. Skolioz sonrakı mərhələlərində ciddi duruş pozğunluqlarına səbəb ola bilir. Skolioz anadangəlmə ola bilər və ya sinir-əzələ xəstəlikləri, əzələ pozğunluqları və ya metabolik xəstəliklər nəticəsində inkişaf edə bilər.

Erkən yaşlarda ortaya çıxan skolyozda estetik qüsur meydana gəlir və eyni zamanda tənəffüs sistemi də mənfi təsirlənir. Bütün skolyozlar körpəlikdə görünmür. Bunlardan ən çox rast gəlinənlər 10-12 yaş arasında görünür və daha çox qızlarda olur.

Valideynlərin övladlarını erkən diaqnoz üçün yoxlamaları çox vacibdir. Onlar hər iki çiyinin paralel olub olmadığını görmək üçün ön tərəfdən baxmalıdırlar. Bir çiyin digərindən yüksəkdirsə, bu, əhəmiyyətli bir simptom ola bilər. Həmçinin, uşaq ayaq üstə olanda onun kürəyinə baxmaqla onurğa sütununun düz olub-olmamasını görmək mümkündür. Bütün bunlarda nəzərəçarpan dəyişiklik görünərsə ortopedə müraciət lazımdır.