Qurban Bayramı sonrası sağlam qidalanma mövzusunda tövsiyələr edən uzman diyetoloq Eray Albayrak bu prosesdə maddələr mübadiləsini bərpa etməyə kömək edəcək balanslı və nizamlı qidalanmanın əhəmiyyətinə diqqət çəkib.

Aztibb.az xəbər verir ki, həkim sosial hesabında paylaşdığı məlumatda gündə ən az 2,5 litr su istehlak etmək, sağlam qidalanma proqramlarında şirniyyatları, qızardılmış qidaları, yağlı qidaları mümkün qədər azaltmaq barədə xəbərdarlıq edib.

Bayramda ətlər, şərbətli desertlər, şokoladlar istehlak edildiyindən bu tarazlığı təmin etmək üçün bayramdan sonra qidalanmaya fikir vermək və maddələr mübadiləsini bərpa etmək vacibdir.

Zərərli birləşmələr dediyimiz bədəndəki artıq piylər və toksinlər suyun köməyi ilə bədəndən çıxarılır. Ona görə də gündə ən az 10-12 stəkan su içməliyik.

Xüsusilə iki həftə ərzində tərkibində sadə şəkər olan qidalar, qızardılmış yeməklər, xəmir, düyü və makaron, çox yağlı qidalardan uzaq durmalısınız. Gündə 6-7 porsiya tərəvəz və meyvə istehlak edilməlidir.

Az yağlı və ya yağsız süd və süd məhsulları yağın yandırılmasına əhəmiyyətli dərəcədə kömək edir. Ona görə də onu istehlak etməkdən çəkinməyin və gündə 2-3 porsiya az yağlı süd və məhsullar istehlak etməyə diqqət edin.

Bundan əlavə, açıq havada gəzintilər stressi azalda biləcəyimiz, həmçinin yağ yandırmağa və ödemi aradan qaldırmağa kömək edən bir fəaliyyətdir.

Yaxşı yatmağınıza da fikir verin. Araşdırmalar göstərib ki, yuxu vaxtı iştah hormonları bir-birinə təsir edir və 5 saatdan az və 8 saatdan çox yatmaq insanı gün ərzində daha çox karbohidrat qəbul etməsinə səbəb ola bilər.

“Bayramda yediklərimi yandıracağam” deyib ac qalıb maddələr mübadiləsini daha çox pozmayın. 3 əsas yemək (səhər yeməyi, nahar və şam yeməyi) və 2-3 qəlyanaltı ilə xüsusi hazırlanmış qidalanma proqramlarını tətbiq edin.