Yayda qızmar günəşdə çoxları qısa vaxt ərzində gözəl qaralmaq üçün çimərliklərə və digər tətil yerlərinə baş vururlar.
Ancaq qaralmağa başlamazdan əvvəl öz fototipinizi - dərinin günəş şüalarına həssaslıq dərəcəsini müəyyən etmək vacibdir.
Aztibb.az xəbər verir ki, “Slovo i Delo” saytına müsahibədə ekspertlər bunun nə üçün lazım olduğunu izah ediblər.
Beləliklə, fototipinizi bilmək nəinki günəş altında qalmağın icazə verilən normalarını başa düşməyə kömək edəcək, həm də bir insanın dəri xərçənginə tutulma ehtimalı barədə diqqətli olmağa sövq edəcək.
1-ci və 2-ci fototipli, ən açıq dəriyə malik olan insanlar qaralmağa gəldikdə son dərəcə diqqətli olmalıdırlar. Bundan əlavə, belə insanların ildə bir və ya iki dəfə onkoloqa müraciət edərək molları müayinə etmələri məsləhətdir.
Öz növbəsində rus alimi Stanislav Sidorov qeyd edib ki, öz fototipinizi bilmək digər tərəflərdən də faydalıdır. Məsələn, müəyyən kosmetik prosedurların seçilməsində kömək edəcəkdir. Bundan əlavə, fototipinizi bilmək dəriyə qulluq üçün məhsullar seçmək üçün də vacibdir.