Təxminən iyirmi il ərzində insanlar yerdən o qədər çox su çəkiblər ki, Yerin qütbləri demək olar ki, bir metr dəyişib.

Aztibb.az planet-today.ru-ya istinadən xəbər verir ki, bu, eyni dövrdə Qrenlandiya buzunun əriməsi nəticəsində yaranan qütb sürüşməsinə bərabərdir.

Ostindəki Texas Universitetindən Clark Vilson bildirib: "İnsanlar öz həyatlarını yaşayırlar və Yerin yırğalanmasından və sürüşməsindən xəbərsiz qalırlar".

Alim həmkarları ilə suyun planet ətrafında paylanmasındakı dəyişikliklərin qütblərin sürüşməsinə necə təsir etdiyini modelləşdiriblər.

Qütb sürüşməsinin bir hissəsi təbii səbəblərdən qaynaqlanır. Qütblər həmçinin suyun fəsillərlə hərəkəti kimi planet ətrafında kütlələrin paylanmasının dəyişməsi səbəbindən sürüşür.

"Qütblərin sürüşməsinə kömək edən bir sıra amillər var və bunların hamısı bir araya gəlir", – deyə C.Wilson bildirib. Antropogen amillər, eləcə də iqlim dəyişikliyi, buzlaqların əriməsi və nəticədə dəniz səviyyəsinin yüksəlməsi, qütb sürüşmələrinə mənfi mənada öz töhfəsini verir.