London Göz Mərkəzinin yaradıcısı, oftalmoloq Vik Şarma gecə görmə qabiliyyətinin pisləşməsini kataraktanın ilkin əlaməti kimi qiymətləndirib.

Aztibb.az glas.ru-ya istinadən xəbər verir ki, həkimin sözlərinə görə, zamanla görmənin tez-tez pisləşməsinin səbəbi yaşlanma zamanı insanlarda baş verən bir xəstəlik– katarakt ola bilər.

“İnsanlar yaşlandıqca bir çox insan görmə problemləri yaşayır və ən çox görülən yaşa bağlı problemlərdən biri kataraktdır. Gözün lensindəki bulanıq ləkələr onun tədricən pisləşməsini göstərir. Əgər vaxtında həkimə müraciət etməsəniz, xəstə görmə qabiliyyətini tamamilə itirmək riski daşıyır”, – həkim qeyd edib.

Ümumdünya Səhiyyə Təşkilatının mütəxəssislərinin məlumatına görə, 60 yaşdan yuxarı təxminən 17 milyon insan risk altındadır.

Oftalmoloq Vik Şarma vurğulayıb ki, kataraktanın ilkin əlamətlərindən biri qaranlıqda bulanıq görmədir. Bununla belə, London Mərkəzi tərəfindən aparılan son araşdırmada sorğuya qatılanların yalnız 33%-i kataraktanın bu əlamətindən xəbərdar olub.