Rusiyada COVID-19 infeksiyasına qarşı iki vaksinin kliniki sınaqları davam edir. 

Aztibb.az-ın məlumatına görə, bunu Rusiyanın Səhiyyə naziri Mixail Muraşko deyib.

O bildirib ki, onlardan birinin bu həftə ərzində qeydiyyatdan keçirilməsi planlaşdırılır.

Belə ki, ikinci vaksin qeydiyyatdan sonra istehsal prosesinə daxil olacaq.

Xatırladaq ki, Rusiyada “Vektor” koronavirus vaksininin oktyabrın 15-dək qeydiyyata alınacağı bildirilmişdi.

Qeyd edək ki, Rusiya avqust ayında dünyada ilk dəfə “Sputnik V” koronavirus vaksinini qeydiyyatdan keçirmişdi.