Çin alimləri effektivlik baxımından bütün mövcud dərmanlardan fərqli yeni dərman hazırlayıblar.

Aztibb.az mednovelty.ru-ya istinadən xəbər verir ki, onlar təbii xərçəng əleyhinə dərman olan vinblastini sintez edə biliblər.

Tədqiqatlar zamanı elm adamları insan orqanizminin NK hüceyrələrinin xərçəng hüceyrələri ilə mübarizə apara biləcəyini müəyyən edə biliblər.

Bu hüceyrələr çox vaxt "xərçəng öldürücüləri" adlanır, çünki onlar həyat boyu bədəndə xərçəng şişlərinin inkişafının qarşısını ala bilirlər.

Alimlər xərçəng hüceyrələrinin immun sistemindən gizlənmə ehtimalını azaldan mexanizm hazırlamağa nail olublar.

Həmçinin Çində laboratoriya üsulları ilə oxşar NK hüceyrələrinin yaradıla biləcəyini göstərən bir araşdırma da aparılıb. Hansı ki, xəstəliyin irəli mərhələlərində istifadə edilə bilər.

Tədqiqat müəlliflərinin fikrincə, xərçəngin sonrakı mərhələlərində çoxlu sayda belə hüceyrələrdən istifadə olunarsa, o zaman orqanizmin onkologiyaya qalib gələ bilməsi ehtimalı var.

Bunun üçün təbii preparatlardan istifadə edilməlidir. Xüsusilə, Catharanthus roseus bitkisi şişlərin böyüməsini dayandıra bilən və metastazların inkişafının qarşısını ala bilən unikal maddələr dəsti ehtiva edir.

Buna görə də indi alimlər işlənib hazırlanmış metodları sonrakı sınaqlara hazırlamaq üzərində işləyirlər.