ABŞ-ın “Johnson & Johnson” şirkəti iştirakçılardan birində “açıqlanmayan xəstəlik” aşkarlanması səbəbindən yeni növ koronavirus vaksininin sınaqlarını müvəqqəti dayandırıb.

“TASS” xəbər verir ki, bu barədə şirkətin saytında bildirilib.

Şirkətdən bildiriblər ki, xəstənin vəziyyətinin yoxlanılması və qiymətləndirilməsi Məlumatların Monitorinqi və Subyektlərin Təhlükəsizliyi üzrə Müstəqil Komitə, eləcə də bir sıra tibb mütəxəssisləri tərəfindən həyata keçirilir.

Qeyd edək ki, sentyabrın 23-də “Johnson & Johnson” öz vaksininin klinik sınaqlarının üçüncü mərhələsinə başlayıb. Araşdırmada üç qitənin səkkiz ölkəsindən olan 60 min könüllü iştirak edir.