Yağlı qaraciyər xəstəliyinə metropoliten sakinlərinin 30 faizindən çoxunda rast gəlinir.

Aztibb.az xəbər verir ki, “Veçernıy Moskva” ilə söhbətində qastroenteroloq-terapevt Nikita Xarlov hansı əlamətlərin qaraciyərdə problemlərdən xəbər verdiyini və onu sağlam saxlamaq qaydaları haqqında məlumat verib.

Onun sözlərinə görə, qaraciyəri sağlam saxlamaq üçün özünə qarşı diqqətli olmaq lazımdır. Vaxtında diaqnoz, fibroz mərhələsinə çatmamış xəstəliyi çox asanlıqla müalicə etməyə imkan verir.

Mütəxəssis, qaraciyərin pozulması barədə xəbərdarlıq edən bir neçə siqnalı sadalayıb:

Böyük qarın

- Aramızda belə adamlar çoxdur. Böyük bir qarın, bütün əlavə çəki yalnız bu sahədə toplanırsa, sizi xəbərdar etməlidir. Bu onu deməyə əsas verir ki, piylə böyümüş orqanların içərisində az yer var və qaraciyər yerin çox hissəsini tutur.

Gündüz yuxululuq və apne

Xarlov qeyd edib ki, bir insan gün ərzində yuxuya gedirsə və apne varsa, qaraciyərin pozulması barədə də düşünməyə dəyər. Belə siqnallar metabolik sindromun, o cümlədən qaraciyər xəstəliyinin əlamətləridir.

“Öz sağlamlığınıza daha diqqətli olsanız, qaraciyərlə bağlı problemlərdən qaça bilərsiniz. Ən sadə diaqnostika - qaraciyərin ultrasəs müayinəsi, qan testləri hər kəs üçün əlçatandır və onların sağlamlığına nəzarət etməyə kömək edir”, – qastroenteroloq bildirib.